منقبت امام حسین علیہ السلام

آیا نہ ہو گا اس طرح رنگ و شباب ریت پر گُلشنِ فاطمہ کے تھے سارے گُلاب ریت پر جانِ بتول کے سِوا کوئی نہیں کھِلا سکا قطرۂ آب کے بغیر اتنے گُلاب ریت پر عشق میں کیا لُٹایئے عشق میں کیا بچائیے آلِ نبی نے لکھ دیا سارا نصاب ریت پر لذّت سوزش بلال، شوقِ شہادتِ حُسین جس نے لیا یونہی لیا اپنا خطاب ریت پر جتنے سوال عشق نے آلِ رسول سے کیے ایک سے بڑھ کے اِک دیا سب نے جواب ریت پر آلِ نبی کا کام تھا آلِ نبی ہی کر گئے کوئی نہ لکھ سکا ادیؔب ایسی کتاب ریت پر